НИЗ ПРИЗМА НА МЕНТОР ЗА ВРАБОТУВАЊЕ Китијана Бодинаку е сертифицирана менторка за вработување од Албанија која оваа година ја помина верификуваната едукативна програма на „Паблик“. Таа е  одличен пример за тоа како еден ментор прави значителна разлика во животот на своите менторирани лица, поттикнувајќи ги да ги надминат и емоционалните и професионалните предизвици.(Интервјуто е објавено на Платформата за одржлив развој, „Лице в лице“) Анета РистескаКои се клучните карактеристики што еден успешен ментор треба да ги поседува за да обезбеди ефективна поддршка и водство? Успешен социјален ментор треба искрено да се ангажира во запознавање на лицето што ќе го менторира. Ова вклучува разбирање на неговите интереси, предности и слабости. Му овозможува на менторот да обезбеди добро информирано и приспособено (tailor-made)  водство, наместо да нуди универзално решение (one size fits all). Исто така, за силна менторска релација важно е да постои емпатија, активно слушање и трпение. Дополнително, позитивниот став и ефективните комуникациски вештини можат подлабоко да ја зголемат способноста за поддршка и инспирација на менторираното лице. Кои се најчестите предизвици со кои се соочуваат лицата што ги менторирате, и каква поддршка им обезбедувате за да ги надминат? Еден од најчестите предизвици е надминувањето на недостатокот на самодоверба и самопочит, особено за оние кои доживеале траума или значителни неуспеси. За да го решам ова, обезбедувам поддржувачка и некритична средина каде што можат да ги изразат своите стравови и несигурности. Преку активно слушање и позитивно зајакнување, целта ми е да им помогнам да изградат самодоверба и да развијат попозитивна слика за себе. Социјалната изолација е уште еден доминантен предизвик. Лицата со кои сум работела биле отсечени од поддржувачките мрежи и се мачеле со градење нови, здрави односи. Практичните предизвици како недостаток на образование, ограничено работно искуство и финансиска нестабилност, исто така, се значајни. Се стремам да дадам поддршка менторираните лица  сами да ги идентификуваат и да пристапат до ресурси за понатамошно образование и обука, како курсеви и работилници. Поддршката во развој на вештини за барање работа—како пишување CV мотивациони писма, подготовка за интервјуа и мрежно поврзување—е уште еден клучен апект на мојата заложба и поддршка. За оние што се соочуваат со финансиски тешкотии, ги водам низ процесот на аплицирање за социјални услуги и програми за поддршка, како помош за домување и грижа за деца, што може да ги олесни некои од непосредните притисоци. Со решавање на овие практични потреби, менторираните лица можат повеќе да се фокусираат на своите долгорочни цели и развој. Можете ли да споделите успешна приказна од вашето искуство како менторка? Приказна која, помеѓу фазите „пред“ и „после“, вклучува многу предизвици и на крај резултира со многу позитивни промени. Меѓу најинспиративните успешни приказни од моето искуство како менторка влегува сторијата на Е.С., жена која покажа неверојатна издржливост и решителност пред многубројни предизвици. Е.С. се обидуваше да го изгради својот живот одново по преживувањето на семејно насилство и социјална изолација за време на нејзиниот брак. Со пет деца за кои треба да се грижи и без претходно работно искуство, таа се соочуваше со тежок пат. Мораше да се справи со сложени правни проблеми, од разводот до обезбедување на старателство над ндецата, и сето тоа додека бараше ново место за живеење откако ѝ се оштети куќата земјотрес. Со само основно образование и без професионални вештини, таа започна со часови за готвење за да стекне некаква форма на квалификација. Нејзиниот непосреден фокус беше да најде привремени работни можности за да ги ублажи своите финансиски потешкотии. Иако овие работни места беа краткотрајни, тие ѝ обезбедија вредно искуство. Ја поддржував Е.С. во процесот на аплицирање за социјално домување и решавање на нејзините правни прашања со нејзиниот поранешен маж, осигурувајќи се дека се чувствува безбедно и сигурно. Е.С. покажа извонредна посветеност и издржливост. И покрај бројните неуспеси, никогаш не се откажа. Денес, таа има целосно старателство над своите деца и редовна работа во слаткарница. Иако нејзините финансии сè уште се во процес на напредок, нејзиното патување е обележано со постојани, позитивни промени. Приказната на Е.С. е сведоштво за силата на решителноста и влијанието на поддржувачката менторска врска. Нејзиниот напредок, е постепен и е насочен кон подобро, одразувајќи ја нејзината неуморна посветеност на создавање подобар живот за себе и своето семејство. Беше привилегија да се биде сведок на нејзината трансформација и да ја поддржувам низ овие предизвикувачки времиња. Кои стратегии ги користите за да ги охрабрите менторираните да прифатат различни можности за развој, како дополнителна едукација или професионална поддршка? Поттикнувањето на менторираните лица да прифатат можности за развој вклучува неколку стратегии приспособени на нивните индивидуални аспирации и околности. Прво, го нагласувам значењето на континуираното учење и раст преку дискутирање на придобивките од дополнителното образование или професионална поддршка за постигнување на долгорочни кариерни цели. Активно ги слушам нивните грижи и очекувања, осигурувајќи се дека секоја предложена можност е усогласена со нивните интереси и амбиции.Обезбедувам персонализирано водство и ресурси, како препорачување релевантни курсеви, сертификати или работилници кои можат да ги подобрат нивните вештини и квалификации. Со истакнување на тоа како ова можае да придонесе за нивниот професионален развој и успех, ги мотивирам да преземат проактивни чекори. Важно е и значењето на целосната посветеност и вистинскиот интерес за личен и професионален раст. Развојот не може да биде присилен, потребно е менторираното лице да биде вклучено и целосно ангажирано во процесот.Поттикнувам отворени дискусии за да го проценам нивото на подготвеност и ентузијазам, прилагодувајќи го мојот пристап соодветно. Конечно, обезбедувам континуирана поддршка и охрабрување низ нивното патување, славејќи ги достигнувањата и успесите, давајќи конструктивен фидбек за да ги одржувам мотивирани. Кои се најголемите придобивки за компаниите кои одлучуваат да вработат лица кои поминале низ програмата за менторство за вработување? Менторираните обично се посамосвесни и мотивирани. Преку процесот на менторство, многумина развиваат силно чувство за цел и насока. Оваа фокусираност и посветеност се особено очигледни кај лица како Е.С., која и покрај значајните лични и правни предизвици, покажа непоколеблива посветеност на подобрување на својот живот и обезбедување стабилна работа. Таквата решителност често се претвора во високи нивоа на мотивација и ангажираност на работното место.Исто така, тие ги подобруваат своите вештини за решавање проблеми и адаптибилност. Различните пречки кои ги надминале им помагаат да се опремат со способноста ефикасно да навигираат низ сложени и променливи околности. На пример, патувањето на Е.С. вклучуваше обезбедување домување, управување со правни битки и добивање работа со полно работно време — сите овие бараа значителна издржливост и адаптибилност. Понатаму, менторираните можат да донесат подобрени интерперсонални и комуникациски вештини. Програмата за менторство го нагласува значењето на активното слушање, емпатијата и ефективната комуникација. Овие вештини не само што им помагаат лесно да се интегрираат во тимовите, туку и да го поттикнуваат позитивното и соработувачко работно опкружување. Тие често се вешти во градењето односи, и внатре во компанијата и со клиентите, што може да ги подобри тимската динамика и задоволството на клиентите.Компаниите, исто така, имаат придобивки од различните перспективи и иновативни решенија кои менторираните можат да ги понудат. Имајќи поминато низ уникатни и често предизвикувачки искуства, овие лица можат да донесат свежи идеи и поинаква гледна точка во решавањето на проблемите и извршувањето на проекти. Нивните искуства можат да придонесат за поинклузивна работна култура, промовирајќи различност и креативност.Вработувањето на лица од менторски програми може да ја подобри репутацијата на компанијата. Тој чекор демонстрира посветеност и општествена одговорност и поддршка на заедницата, што може да привлече слично мислечки таленти и клиенти. Ја позиционира компанијата како посакуван работодавач, посветен на поттикнување раст и обезбедување можности за оние кои се соочиле со значајни предизвици. Photo: GADC

Сакате да ја откриете вашата извонредност? Пријавете се на Повикот и побарајте го вашиот ментор за вработување во „Паблик“Доколку сте млад човек на почетокот на вашата кариера или лице кое сака да ја открие својата извонредност и да најде соодветно работно место, програмата за менторство за вработување на „Паблик“ е тука да ви ја овозможи неопходната поддршка. Нашата цел е да ви обезбедиме насоки и водство за полесно и посигурно вклучување на пазарот на труд.Нашите ментори применуваат холистички пристап и индивидуален приод за да ги откриете своите силни страни, интереси и страсти, и да ги идентификувате потенцијалните опции за вработување. Со нивно менторство, ќе се направи соодветна процена за вашите моментални работни способности, ќе се развијат конкретни вештини и стратегии за барање работа и користење на мрежи за професионално поврзување. Менторството за вработување може значително да го олесни вашиот влез на пазарот на труд преку обезбедување структурирана поддршка. Нашата програма ќе ви донесе охрабрување во текот на целиот процес, помагајќи ви да се справите со стресот и предизвиците што може да ги сретнете. Со нашите ментори ќе го развиете својот личен план за барање работа и воспоставување врски со потенцијалните работодавци. Ние ќе посредуваме во воспоставувањето на комуникација со бизнисите кои се заинтересирани за регрутирање нова работна сила, што ќе го олесни процесот на прилагодување и интеграција во работната средина. Доколку имате потреба од оваа услуга - ве покануваме да аплицирате за програмата за менторство за вработување и да добиете поддршка за постигнување на вашите професионални цели. Аплицирајте - и стигнете до посакуваната работа! 😊 Ве очекуваме со пријава на телефонскиот број 078 608-517 или на мејлот: [email protected] Рокот за пријавување е до 10 август, 2024 година Photo: Freepik

Ако сте лице со попреченост кому му е потребна поддршка при процесот на вработување – побарајте го вашиот социјален ментор во „Паблик“.Можеби познавате некој што има потреба од ваква услуга  - информирајте го! Доколку сте лице со попреченост и се соочувате со предизвици при наоѓање на работно место или задржување на работата во континуитет, програмата: Социјално менторство за работна интеграција на „Паблик“ е тука да ви ја овозможи неопходната поддршка.Наша цел е да ви обезбедиме насоки и водство за полесно вклучување на пазарот на труд.Нашите социјални ментори применуваат холистички пристап и индивидуален приод за да ги откриете своите силни страни. Вашиот социјален ментор  ќе направи процена на  моменталните работни способности, ќе ве упати на МКФ процена и потоа, заеднички  ќе го  развиете индивидуалниот план за вработување и  развој и ќе добиете поддршка што ќе ви го олесни влегувањето и задржувањето на пазарот на труд. Нашата програма ќе ви донесе охрабрување во текот на целиот процес, помагајќи ви да се справите со стресот и предизвиците што може да ги сретнете. Ние ќе посредуваме во воспоставувањето на комуникација со бизнисите кои се заинтересирани за регрутирање нова работна сила, што ќе го олесни процесот на прилагодување и интеграција во работната средина. Аплицирајте - и стигнете до посакуваната работа! Ве очекуваме со пријава на телефонскиот број 078 608-517 или на мејлот: [email protected]   Рокот за пријавување е до 10 август, 2024 година Photo: Freepik

„ПАБЛИК“, ВО ПАРТНЕРСТВО СО ГЕРМАНСКОТО ДРУШТВО ЗА ИНТЕРНАЦИОНАЛНА СОРАБОТКА (ГИЗ) ГО ИМПЛЕМЕНТИРА ПРОЕКТОТ „ПРОМОВИРАЊЕ НА СОЦИЈАЛНОТО МЕНТОРСТВО КАКО ПРИСТАП НА МЕЃУСЕКТОРСКО ПАРТНЕРСТВО ЗА ПРОМОЦИЈА НА ВРАБОТУВАЊЕ НА ОБЕСПРАВЕНИТЕ ГРУПИ“, ВО ЧИИ РАМКИ ОБЈАВУВАМЕ ОГЛАСИ ЗА ЕКСПЕРТ ЗА ИНСТИТУЦИОНАЛИЗАЦИЈА (ЗА КОСОВО)Во име на германското Сојузно Министерство за економска соработка и развој (BMZ), ГИЗ го спроведува регионалниот проект „Социјална вклученост на обесправените групи во Западен Балкан (SoRi III)“. Проектот работи во пет земји од Западен Балкан: Албанија, Босна и Херцеговина, Косово, Северна Македонија и Србија, на регионално, национално и локално ниво, соработувајќи и ангажирајќи различни партнери и засегнати страни. Стратешки партнер на проектот е Мрежата на здруженија на локални власти на Југоисточна Европа (НАЛАС), со Секретаријат со седиште во Скопје, Северна Македонија. SoRi III се надоврзува на резултатите и искуствата од неговиот претходник, проектот „Социјални права за ранливите групи II“, имплементиран во регионот од 2019 до 2022 година. Надоврзувајќи се на ветувачките резултати и позитивната практика на имплементација на социјалното менторство како пристап за работна интеграција за обесправените групи во текот на 2020-2022 година, Асоцијација за истражување, комуникации и развој „Паблик“ од Скопје, во партнерство со ГИЗ го имплементира проектот „Промовирање на социјалното менторство како пристап на меѓусекторско партнерство за промоција на вработување на обесправените групи“. Проектот се имплементира од февруари 2023 година до крајот на јуни 2025 година. Проектот ќе ја прошири услугата социјално менторство кое е меѓусекторски дијалог кој ги поттикнува патиштата за вработување на обесправените групи. Фокусот е на три столба: (а) зајакнување на патиштата за вработување за обесправените лица преку спроведување на социјално менторство; (б) зајакнување на капацитетите на компаниите да овозможат вклучување на пазарот на трудот на обесправените групи со примена на професионално менторство и градење врски со социјалните ментори; (в) застапување за институционализација на социјалното менторство како иновативен пристап за унапредување на вработувањето во системот за социјална заштита преку сензибилизирање на релевантните чинители на локално и/или национално ниво.За потребите на проектот, потребно е да се ангажира експерт за институционализација од Косово, што ќе биде дел од клучниот тим на овој проект. Повеќе за повикот и описот на позицијата, на следниве линкови:Повик за експерт за институционализацијаАнекс 1Анекс 2Ве молиме вашите апликации да ги испратите по електронска пошта (e-mail) на следната адреса [email protected] најдоцна до 23.07.2024 2023 година. Фотографија: Freepik

Преку својата работа, менторката за вработување од Босна и Херцеговина, Сенада Сушиќ, ги поттикнува менторираните лица да може да се видат себе си во многу подобро светло на пазарот на трудот, па и да отворат сопствени бизниси.Анета РистескаСенада Сушиќ е менторка за вработување од Брчко, Босна и Херцеговина, која пред три години ја помина обуката од Програмата социјално менторство за работна интеграција  што ја разви Асоцијацијата за истражување, комуникации и развој, „Паблик“. Вели дека кога работи, сака да се чувствува добро. Така добива енергија и тоа ја движи да биде се’ подобра во она што го прави. Како што нагласува, менторството ѝ го овозможува ова чувство. Во исто време, важно ѝ е и нејзините менторирани лица да се чувствуваат добро и затоа на изборот на работно место става особено внимание, исто како и на препознавањето на капацитетите и талентите на нејзините менторирани лица. Работи со млади жени кои сакаат да влезат на пазарот на трудот, притоа ставајќи акцент на подигнување на свеста за личните капацитети и можности што може да ги дадат во работата и професионалната реализација. Но, во исто време, оди чекор и понатаму. Поттикнува и отвора можност овие луѓе да се видат себе си и во претприемачка приказна, односно да отворат сопствен бизнис.Под нејзино водство, неодамна, една од жените (менторирано лице), беше вработена во голема прехранбена фирма, а друга во невладина организација. Сушиќ, преку својата работа, ги поттикнува менторираните лица да може да се видат себе си во многу подобро светло на пазарот на трудот, па и да отворат сопствени бизниси.Нејзината мисија подразбира поврзување на локалните актери со тоа што се потреби и можности кај менторираните лица. Смета дека е важно сите засегнати страни да го видат „networkingot“ како важен сегмент од професионалниот живот.Како менторка за вработување, опишете ни како ги идентификувате потенцијалните можности за вашите менторирани во локалните бизниси и организации? Сегашната ситуација во округот Брчко во Босна и Херцеговина, да речеме, е поволна за нови работни места, но, тоа секогаш е на некој начин условено. Тоа се пониски позиции во услужната индустрија (келнери, готвачи, домаќини, чистачи, администрација, возачи, дистрибуција итн.). Работам со жени и досега сите четири менторирани лица, според вештините, потребите, беа над тие работни места. Би рекла дека е идеално да се направи истражување за реалната состојба, кое би вклучувало разбирање кои сектори растат, кои работодавци вработуваат и кои се моменталните реални потреби за работна сила. Се разбира, ова може да се заснова на прелистување огласи за работа, посета на саеми за вработување и воспоставување контакти со локалните комори. И, за се’ тоа, потребно е време.Целиот разговор на - линкот.

Асоцијацијата за истражување, комуникации и развој „Паблик“ од Скопје, за потребите на проектот „Зајакни ГО - Резилиентни и инклузивни патеки за социјално претприемништво за младите преку градење капацитети на локални граѓански организации во Северна Македонија“ што го спроведува Здружение на граѓани „Паблик“ со поддршка од Младински сојуз Крушево, преку договорот за грант  со број: IPA III/2023/ 452 – 457 со Европска Комисија, објавува „Барање за прибирање на понуди“ повикувајќи ги сите регистрирани правни субјекти, да поднесат понуди со следните содржински спецификации: Опис на проектот и општи услови Набавувач на услуги: Асоцијација за истражување, комуникации и развој „Паблик“  – Скопје со седиште на ул. Орце Николов 93/5 во Скопје. Предмет на барањето: Барање за прибирање на понуда за 1 преносен компјутер (лаптоп) Изборот ќе се направи согласно најдобриот финансиски интерес.Ве Молиме вашите понуди да ги испратите по електронска пошта (e-mail) на следната адреса [email protected] најдоцна до 19.06.2024 година до 16 часот.Повеќе информации за Барањето - на линкот:

Овој Повик на Асоцијацијата за истражување, комуникации и развој, „Паблик“, се состои од две активности:(1)редизајн на веб-страницата, и (2) континуирано одржување и техничка поддршка на редизајнирана веб-страница, кои може да ги спроведува еден извршител, а може и да бидат ангажирани двајца извршители, зависно од компетенциите на апликантот/ите. Тоа значи дека еден апликант може да се пријави само за една активност или доколку ги поседува потребните вештини и компетенции, може да се пријави за двете активности. ЦелСо веб редизајнот, „Лице в лице“ има намера: - да го трансформира изгледот на веб-сајтот; - да ја зголеми својата публика; - да вклучи поголема публика во активности со/за „Лице в лице“; - да понуди ангажирачко искуство на посетителите и на својата заедница; - да ја поттикне да пријавува теми, да пишува, да организира настани, иницијативи и да креира содржини кои се во склад со темите за кои се интересира Платформата.Повеќе детали за Повикот и информации за пријавувањето - на линкотПостапка за аплицирањеЗаинтересираните даватели на услугата треба да испратат: Портфолио и/или CV на давателот на услугата; Финансиска понуда во македонски денари со вклучени вкупни трошоци, со ДДВ.Апликацијата треба да се испрати по мејл на: [email protected] и [email protected] најдоцна до 06.06.2024 година до 16.00 часот, со назнака за која активност се аплицира – Апликација за редизајн на веб-сајт на „Лице в лице“. За конечната одлука ќе бидат известени само избраните понудувачи.„Паблик“ го задржува правото да одбере еден или двајца понудувачи, но, и да не одбере ниту една од апликациите кои ќе ги добие, доколку тие не ги исполнуваат горенаведените критериуми, или не се во рамките на предвидениот буџет кој ни е на располагање. Фото: Freepik

Во име на Светска банка, Асоцијацијата за истражување, комуникации и развој „ПАБЛИК“ го спроведува проектот „Пилотирање на менторска програма за активирање на жените Ромки во економијата на грижа во Северна Македонија“. Целта на овој проект е да пилотира програма дизајнирана да го поддржи активирањето на жените Ромки во економијата на грижа. Менторската поддршка треба да се обезбеди во процесот на добивање сертификати за стекната обука за нега во домот, како и при наоѓање и задржување работа во таргетираниот сектор. Менторскиот пристап за поддршка на жените Ромки во економијата на грижа се заснова на разбирањето дека менторството може да игра клучна улога во справувањето со бариерите и предизвиците со кои се соочуваат Ромките при добивање формално вработување во секторот. Доказите за менторството како ефикасна интервенција за маргинализираните групи, вклучително и жените, се поддржани со истражувања кое го потврдуваат позитивното влијание на менторството во интеграцијата на пазарот на трудот и резултатите од вработувањето. Географска покриеност. Пилот проектот ќе се фокусира на Скопје (вклучувајќи го и Шуто Оризари), Куманово, Тетово, Прилеп, Струмица,Битола, Кичево, Струга, Дебар и Кочани, со можност за проширување и во други градови каде што живее ромска популација. Број на ментори и менторирани. Проектот ќе склучи 15 договори со лица кои ќе дејствуваат како социјални ментори. Секој ментор се предвидува да работи со  8 менторирани лица, што ќе резултира со вкупно 120 менторирани лица, директни корисници. ЦЕЛ И ОПИС НА ЗАДАЧАТА Проектот ќе склучи договори со професионалци кои што ќе го спроведуваат менторството во дефинираните области, а клучната активност на ангажираните ментори ќе биде да обезбедат менторска поддршка за селектирани жени Ромки. Помал процент од менторираните лица (најмногу 30%) можат да бидат од  ранливи категории жени на други националности, како што се: долгорочно невработени, жртви на семејно насилство, жени кои живеат во рурални средини итн. Менторството се очекува да се одвива во периодот помеѓу јули 2024 година до јануари 2025 година. Менторираните лица ќе бидат избрани според дефинирана методологија и во соработка помеѓу менторот и тимот на Асоцијацијата „ПАБЛИК“.  Секој ментор ќе биде одговорен за мапирањето и изборот на менторираните лица. Менторите ќе поминат задолжителна обука во три модули за тоа како да се подготват за процесот на менторирање и како да ги фасилитираат можностите за работна интеграција на менторираните лица во економијата на грижа. Секое договорно лице / ментор ќе ги има следните должности: Учество на задолжителни обуки; Мапирање на потенцијални лица за менторирање и анализа на можностите, пречките и мотивирачките фактори за нивен  влез на пазарот на труд; Селекција на 8 менторирани лица кои ќе поминат низ процес на сертификација во економијата на грижа; Креирање на план за работа со секој менториран; Поддршка за  менторираното лица во процесот на едукација, како   и работа со семејството како поддржувачка средина; Изработка на индивидуален план за вработување и развој на менторираните лица; Комуникација со работодавците во економијата за грижа; Менторство кон успешно вработување и задржување на менторираното во економијата на грижа; Проценка на процесот на приспособување на работното место на менторираните лица; Соработка со професионален ментор кој ќе го катализира процесот на интеграција по влезот на менторираните кај работодавачот во економијата за грижа; Известување за напредокот на секој менториран и самоевалуација на нивната работа со секој менториран; Учество на супервизиски сесии кои го поддржуваат менторот во менторската работа. Повеќе информации за пријавувањето – на линкот. Огласот е отворен до 2 јуни.Заинтересираните кандидати да испратат свое CV и писмо за интерес најдоцна - на [email protected], со назнака: Апликација за социјален ментор во економија на грижа. Избраните кандидати ќе бидат повикани на интервју и информирани за конечната одлука. Photo: Freepik

РАЗГОВОР СО КАТАРИНА СТОЛИЌ, СОЦИЈАЛНА МЕНТОРКА ОД НОВИ САДСоцијалното менторство не носи промени само на микро ниво, туку и на ниво на пошироката општествена заедница. Од една страна даваме поддршка на поединецот во постигнување позитивни промени на ниво на личен раст, развој и успех, а од друга страна ја менуваме климата на целата општествена заедница која станува подобро место за живеење. Трансформациите во светот на работата се неизбежни. И во мајндсетот на бизнисите, и во вештините и приодите при вработување на потенцијалната работна сила. Во оваа мисија, социјалните ментори имаат клучна улога  – во подобрување на идната слика на пазарот на трудот, посебно во сферата на интеграцијата на ранливите групи.Изминатиов период, Асоцијацијата за истражување, комуникации и развој, „Паблик“, во Нови Сад го одржа и четвртиот модул за социјалните ментори од Србија и од Босна и Херцеговина. Фокусот беше ставен на креирањето успешни и продуктивни врски со бизнисите – со цел: задоволни работодавачи, задоволни вработени. Отвореноста за промени кај новите социјални ментори беше повод и за подоцнежниот разговор со Катарина Столиќ, носителка на новите трендови во светот на работата во Нови Сад.Катарина, вие сте еден од осумте ментори од првата генерација ментори за работна интеграција (социјални ментори) во Србија. Како долги години вработена во Центарот за социјална работа во Нови Сад и со значително искуство како социјален работник и менаџер на случаи, што ви донесе ова ново искуство како социјална менторка? По професија сум социјален работник и работам во системот на социјална заштита скоро дваесет години. Имам големо искуство во работа со маргинализирани групи и тоа е една од причините зошто влегов во програмата за социјално менторство мислејќи дека тоа ќе биде уште една слична услуга која добро им се најде на нашите корисници.Искуството на социјален ментор ми донесе многу повеќе од она што првично го очекував, а пред сè, сознанието дека оваа програма не е ни слична со програмите што ги спроведуваме во моментов. Програмата ме направи длабоко свеснa дека работам во систем кој е полн со притисоци, крут и подесен  – структурата, организацијата, процедурите, начините и правилата, да не оставаат многу простор за вистински промени.Преку искуството на социјалниот ментор, сфатив дека промените се можни, но дека можеме да се соочиме со промените само со отворен ум и срце, бидејќи само така може да се промениме себеси, за да можеме да ги поддржиме другите во истата промена. Целиот разговор - на линкот.

Осум социјални ментори, кои минуваат низ верификуваната програма за менторство за работна интеграција на Асоцијацијата за истражување, комуникации и развој „Паблик“ од Скопје, во соработка со Германското друштво за меѓународна соработка, GIZ, ја започнуваат својата теренска работа, со поддршка на организацијата „Новосадски хуманитарен центар“. Денеска, втори април, во Собранието на Град Нови Сад, се одржа состанок кој ги обедини најзначајните претставници на дејностите за социјална заштита и вработување на локално ниво.Целта на средбата беше да се разгледаат предизвиците на терен, можностите за спроведување на менторството за интеграција на ранливите групи на локално ниво и да се дефинираат следните чекори во однос на институционализацијата на социјалното менторство во Нови Сад. ГИЗ работи долгорочно на создавање одржлив модел на поддршка за различни ранливи групи, а програмата развиена од „Паблик“ е фокусирана на вработување и подобрување на вработливоста на лицата кои се надвор од пазарот на трудот поради различни причини. - Нашата работа со „Паблик“ е насочена кон сеопфатна поддршка за вработување на ранливите групи, преку поддршка за наоѓање и задржување на работа. Сведоци сме на одличните резултати од социјалното менторство, па овој модел, кој беше пилотиран во Северна Македонија, го адаптиравме на специфичните услови и потреби на земјите од регионот, каде што во моментов успешно се спроведува програмата за социјално менторство. Преку обука го поддржуваме развојот на знаењата и вештините на социјалното менторство и на овој начин го развиваме во насока на професионализација. Работата на социјалните ментори прави разлика на пазарот на трудот, а компаниите ја препознаваат како значаен придонес и потреба при ангажирање работници, особено денес, во услови кога постојано се бара „повеќе работници“. Затоа, веруваме дека Нови Сад, кој е познат по своите иновативни програми, ќе го најде најдобриот модел на институционализација и ќе создаде одржлив модел на социјално менторство. Исто така, важно е овој процес да биде дел од локалните решенија за вработување на ранливите групи и нивно задржување на пазарот на трудот - вели Светлана Здравковска, раководител на проектот на ГИЗ „Социјална инклузија на ранливите групи во Западен Балкан“, во чии рамки социјалното менторството се развива на регионално ниво. Градот Нови Сад го поддржува Социјалното менторство како инклузивна мерка за вработување и нов пристап за интеграција на ранливите луѓе на пазарот на трудот. - Социјално ранливите лица, младите без родителска грижа, жените жртви на насилство, лицата со попреченост и други групи, од бројни причини, имаат потешкотии да најдат и да задржат работа. Работејќи со нив, социјалните ментори прво ги истражуваат нивните потреби, вештини, силни страни и интереси, а потоа даваат поддршка во наоѓањето и задржувањето на работа. Во овој процес, социјалните ментори соработуваат и со работодавачите со цел да се создаде инклузивна работна средина и да се обезбеди поддршка во работната интеграција. На долг рок, социјалното менторство ги подобрува вештините и положбата на ранливите лица на пазарот на трудот, ја промовира родовата еднаквост и социјалната вклученост и ги покрива потребите на пазарот на трудот за труд – вели Ненад Драшковиќ од Градската управа за социјална и детска заштита. Социјалното менторство е методологија развиена од организацијата „Паблик“ во соработка со ГИЗ. Резултатите од анализата на ефективноста на овој пристап укажуваат дека висок процент на менторирани лица, при евалуацијата, останале на пазарот на труд и шест месеци по завршувањето на давањето на оваа услуга. - Социјалното менторство се карактеризира со индивидуален пристап, фокусирано е на потребите и капацитетите на поединците, земајќи ги предвид пречките кои го отежнуваат влезот и престојот на пазарот на трудот и специфичните потреби на компаниите во кои лица од ранливи групи бараат вработување. Затоа и носи одлични резултати. Менторите од Нови Сад веќе почнаа да работат со своите менторирани и првите резултати ги очекуваме во блиска иднина. Во оваа почетна фаза ни е важно да ги слушнеме предизвиците при имплементацијата, но и можностите препознаени од нашите ментори. Ова е информација која ни помага да ја дефинираме одржливоста на социјалното менторство во Нови Сад - вели Климентина Илијевски, извршна директорка на „Паблик“, иницијатор и еден од креаторите на методологијата. Нада Падејски Шекеровиќ, експерт кој ги анализираше можностите за институционализирање на социјалното менторство во Република Србија, вели дека очекува овој пристап да им помогне на тешко вработуваните лица полесно да влезат и да останат на пазарот на трудот. - Според досегашните искуства, луѓето кои спаѓаат во категоријата тешко вработливи лица тешко остануваат на пазарот на труд. Исто така, огромен број работодавачи се соочуваат со значителен недостиг на работна сила. За да се надмине овој јаз, неопходни се активности на социјалните ментори за работодавачите да ги препознаат ресурсите на вработените. Од друга страна, активностите на социјалниот ментор влијаат на поголема мотивација и подготвеност на менторираното лице да остане на пазарот на трудот. Воспоставувањето на социјалното менторство како активна мерка за вработување би довело до намалување на трошоците на системот за социјална заштита, поголема вработливост на населението и би влијаело на намалување на ризикот од други форми на психо-социјални проблеми на кои помалку вработливи лица се разоткриени - рече Падејски Шекеровиќ. Намерата на проектот „Социјална инклузија на ранливите групи во Западен Балкан“ е да поддржи одржливи пристапи за социјално и економско вклучување на ранливите групи во Западен Балкан, во согласност со сеопфатните принципи на Агендата 2030.Дел од овој проект ГИЗ го реализира во соработка со „Новосадскиот хуманитарен центар“, кој го спроведува социјалното менторство во Нови Сад.