Проектот „RAISE CSOs – Отпорни и инклузивни патишта за социјално претприемништво за младите со локални граѓански организации во Северна Македонија“, предводен од Младински сојуз – Крушево во партнерство со НОВУС и ПАБЛИК, има за цел да ја зајакне способноста на локалните граѓански организации (ГО) во Северна Македонија за промоција на социјалното претприемништво како алатка за социо-економска интеграција на младите на пазарот на трудот.
Специфичните цели на проектот се:
- Зголемување на ангажманот и учеството на младите во демократските процеси, особено во области од значење за политиките како што се заштита на животната средина, вработување, социјална исклученост, сиромаштија, социјални услуги, правосудство, управување со јавниот сектор и одговорност.
- Промовирање на иновации во учеството преку добри практики на вклучување, консултации и партиципација на корисниците и засегнатите страни, вклучувајќи ги и јавните институции.
- Поттикнување на социјалната кохезија преку создавање на средина на соработка и меѓусебно разбирање меѓу различни групи.
- Подобрување на јавните услуги преку директно адресирање на локалните проблеми и подобрување на јавните услуги со иновативни решенија; младинските претпријатија можат да ја демонстрираат ефективноста на партиципативниот пристап во управувањето и испораката на услуги.
Овозможувајќи им на младите и другите маргинализирани групи да се вклучат во овие области, младинските социјални претпријатија придонесуваат не само за непосредно зајакнување на демократските практики, туку и за поставување на темелите за одржлив напредок кон пристапувањето на Северна Македонија во Европската Унија.
Проектот ќе ги постигне наведените цели преку спроведување на различни активности, организирани во три комплементарни компоненти: 1) Подготовка на теренот; 2) Оспособување, вклучувајќи ресурси, луѓе и организации; и 3) Вмрежување, партнерство, учење и развој.
Фото: Freepik
